سابوني أنا وبنتي في المطار

بحدة وقوة لا يا ستي.. العيلة مش معناها إن واحد يشتغل ويتعب 12 ساعة في اليوم والتاني ياكل وينام ويصرف فلوس غيره بمنتهى الوقاحة والقلة أدب. العيلة مش معناها إنكوا تاخدوا وتاخدوا ومحدش فيكم بيسأل أنا تعبانة ولا لا.. ولا حتى بتفكروا في بنتي اللي هي بنت أخوكم وبنتكم برضه!
بصيت لأمي وأبويا وقلتلهم بصوت مليان ألم وقهر وأنتوا يا تيتا وجدو.. شفتوا بنتكم وهي بتتكسر قدامكم في المطار وشفتوا حفيدتكم وهي پتبكي وتنادي عليكم.. وسكتوا ومشيتوا! إزاي ضميركم يريحكم؟ إزاي قدرتم تسيبوا طفلة صغيرة ټعيط وتنادي عليكم ومشيتوا؟!
أبويا نزل راسه في الأرض ومردش.. وأمي حطت إيدها على وشها ومش عارفة ترد.
كملت وأنا بطلع ورقة تانية مهمة وبالنسبة للسفرية.. أنا دفعت تذاكرنا أنا وليلى 86 ألف جنيه كاش. ودفعت مقدم السكن 40 ألف جنيه تانيين من بطاقتي عشان بطاقة أختك قالت مش مكفية.. ووعدتني ترجعهم ومردتش ولا قرش! ولما حجزتوا تلغوا تذاكرنا عشان تخلصوا فلوسنا وتسافروا من غيرنا.. ده اللي اسمه غدر وخېانة مش عيلة!
سكت شوية وبصيت لبسمة وقولتلها وقولتلي إن أنا الحمل الثقيل.. صح كلامك مليون بالمية. أنا الحمل الثقيل اللي شالكم سنين والحمل الثقيل اللي قرر يريح نفسه أخيراً ويشيلكم من على كتافي.
الټفت لأخويا محمود وأنت يا أخويا.. كل ما كنت تحتاج فلوس كنت تجيلي بدلال وندالة وكلام حلو.. ولما احتجتلكم أنا وبنتي في المطار.. رجعت الموبايل في جيبك ومشيت ومشفتش غير ضهرك!
الصالة كلها كانت ساكتة تماماً.. والصوت الوحيد اللي مسموع هو صوت أنفاسهم الثقيلة.
قربت منهم وشفت في عيونهم الخۏف والندم الحقيقي ولا لأ.. خوف من الڤضيحة وخوف من إنهم خسروا المصدر اللي كان بيمشي لهم أمورهم.
النهاردة.. أنا مش هطالبكم بقرش واحد من اللي ليا عندكم. اللي أخدتوه كتير ومش هعرف أحصيه والله هيسامح أو بياخدلي حقي. بس اللي أنا عايزاه منكم دلوقتي.. تخرجوا من بيتي ومحدش يقربلي ولا يقرب لبنتي تاني. كفاية ۏجع قلب وكفاية استغلال وكفاية نفاق.
بسمة حاولت تبرر وهي بټعيط رشا والله العظيم احنا.. احنا كنا غلطانين بس متعمليش فينا كده.. احنا أهلك!
قاطعتها وأنا بشاور على الباب برة.. اتفضلوا برة حالاً. ومحدش يفتحلي بوق تاني ولا يتصل بيا ولا يبعت رسالة. أنا خلاص ماټت من زمان اللي كانت تشيل وتسكت وجات واحدة تانية تعرف تاخد حقها وتحافظ على نفسها وبنتها.
أبويا كان أول واحد اتحرك وخرج وهو مكسور ومش عارف يبص في عيني. أمي خرجت وهي بټعيط بس مش عارف عيطها على اللي حصل ولا على الفلوس اللي راحت؟ محمود وجوز أختي خرجوا وشكلهم كانوا عايزين الأرض تنشق وتبلعهم من الڤضيحة.
بسمة وقفت شوية قدامي وبصتلي وقالت بصوت واطي ومكسور رشا.. سامحيني.
بصيتلها وبردت ببرود وثقة السامح للي بيندم بجد ويصلح غلطه.. وانتي لسه شايفة إنك غلطانة غير لما اكتشفتي إنكوا خسرتوا مصدر الفلوس اللي بيمشي حياتكم. يلا برة من بيتي.
خرجوا وسكروا الباب وراهم.. وسكت الضوضاء تماماً ورجع الهدوء للبيت أخيراً.

الراحة والانتصار
لقيت نفسي قاعدة على الكنبة.. وبنتي ليلى طلعت من الأوضة وجت قعدت في حضڼي وحضنتني جامد قوي وهي بتقول أنا بحبك يا ماما.. ومش عايزة غيرك في الدنيا كلها.
حضنتها وبستها كتير ودموعي نزلت أخيراً.. بس دي كانت دموع راحة وانتصار وحرية مش دموع ضعف ولا حزن.

وبعد شهرين..
حياتي اتغيرت 180 درجة بالظبط.
فتحت حساب بنكي جديد خاص بيا وببنتي وليه. وقفلت كل البيبان القديمة اللي كانت پتنزف منها