وجد امه بټموت بقلم زيزي
المحتويات
صوتها...
ودخل صوت راجل خشن قال
خلاص... كفاية تسجيل.
بعدها سمع صوت خبطة قوية... والرسالة انتهت.
موريس حس بقشعريرة في جسمه.
في نفس اللحظة، وصله إشعار إن فيفي فتحت موبايلها بعد ما كان مقفول.
اتصل فورًا.
المرة دي ردت.
لكن اللي رد مكانها... كان طفل صغير.
قال بصوت مړعوپ
عمو موريس... الحق... خالتي مربوطة... وفي ناس هنا...
وقبل ما يكمل...
اتسمع صوت تكسير، وبعده صړخة عالية.
والخط اتقفل مرة تانية.
موريس خرج يجري من المستشفى من غير ما يفكر.
ركب عربيته وانطلق ناحية بيت أخته بأقصى سرعة.
لكن أول ما وصل آخر الشارع...
شاف بيت فيفي محاصر بعربيتين سودا من غير لوحات.
ورجالة واقفين قدام الباب، كأنهم كانوا مستنيين حد يوصل.
أحدهم رفع رأسه، وبص مباشرة ناحية موريس...
وبابتسامة باردة، قال بصوت وصل له رغم بُعد المسافة
اتأخرت... دلوقتي الدور عليك موريس ما فكرش لحظة.
أول ما الراجل قال دلوقتي الدور عليك.، ضغط فرامل العربية قبل البيت بحوالي خمسين متر، وطفي الأنوار.
كان فاهم إن أي حركة متهورة ممكن ټقتل أمه أو أخته.
نزل بهدوء، واستخبى ورا سور بيت قديم، وبدأ يراقب.
بعد دقايق، خرج راجلين شايلين شخص متغطي ببطانية، وحطوه في شنطة العربية السودا.
حاول يقرب أكتر...
لكن سمع صوت حد بيقول
فتشوا الشارع... موريس أكيد هيظهر.
رجع لورا بسرعة قبل ما حد يلمحه.
وفي اللحظة دي، موبايله اهتز.
رقم غريب.
رد وهو ساكت.
جاله نفس الصوت الخشن اللي كان في الرسالة الصوتية.
قال
بتدور على أمك؟
موريس ضغط على سنانه وقال
إنت مين؟
ضحك الراجل وقال
السؤال الصح... إنت أبوك كان مخبي إيه؟
وقبل ما موريس يرد، الراجل كمل
زمان أبوك كان فاكر إنه أذكى من الكل... وخلى الحاجة رجاء تحرس السر بعد مۏته.
سكت ثانية، ثم قال
دلوقتي قدامك اختيار واحد... يا تنسى كل اللي حصل، يا هتدفن أمك وأختك بإيدك.
واتقفل الخط.
موريس كان هينهار من الڠضب، لكنه لمح حاجة لفتت نظره.
واحد من الرجالة وهو بيقفل شنطة العربية، وقع منه ظرف بني على الأرض من غير ما يحس.
استنى لحد ما العربيتين اتحركوا واختفوا من آخر الشارع.
جري بسرعة، وخطڤ الظرف.
فتحه...
لقى جواه مجموعة صور قديمة.
أول صورة كانت لأبوه واقف قدام بيتهم وهو بيبتسم.
الصورة التانية كانت لأمه وهي شايلة صندوق خشب صغير.
أما الصورة التالتة...
فخلت أنفاسه تقف.
كانت صورة لفيفي...
لكن الصورة متصورة من أكتر من عشرين سنة، وهي طفلة، واقفة جنب راجل غريب، وخلف الصورة مكتوب بخط واضح
دي مش بنتنا... دي مفتاح المصېبة.
موريس قلب الصورة بإيد مرتعشة، فلقى جملة تانية مكتوبة بقلم أزرق باهت
لو وصلت للصورة دي... يبقى الوقت جه تعرف الحقيقة اللي اتدفنِت مع أبوك موريس فضل يبص للصورة وكأن الأرض اتسحبت من تحت رجليه.
دي مش بنتنا...
الجملة كانت كافية تهز كل ذكرياته.
فيفي أكبر منه بثلاث سنين... كبرت معاه، وأمه كانت تعاملها بنفس الحب، وأبوه عمره ما فرّق بينهم.
إزاي تكون مش بنتهم؟
قلب الظرف مرة تانية، فلقى مفتاح نحاس صغير، محفور عليه نفس الرقم اللي كان على المفتاح اللي لقه مع أمه...
17.
اتسعت عينيه.
يبقى المفتاحين مش صدفة...
هما لطريق واحد.
في اللحظة دي، افتكر كلام أمه
تحت البيت...
من غير تردد، ركب عربيته واتجه ناحية بيت العيلة القديم.
البيت كان مقفول من شهور، ومن بعد اختفاء أمه محدش ډخله.
كسر القفل ودخل.
ريحة الرطوبة والتراب كانت مالية المكان.
سلط كشاف الموبايل على أرضية الصالة.
فضل يدور لحد ما لمح بلاطة لونها مختلف عن باقي البلاط.
ركع على ركبته، وخبط عليها.
طلع صوتها أجوف.
جاب عتلة قديمة من المخزن، وبعد محاولات قدر يرفع البلاطة.
تحتها كان فيه صندوق حديد صغير.
ابتسم لأول مرة من ساعة ما بدأت الکاړثة.
طلع المفتاح رقم 17...
لفه في القفل.
تك.
الصندوق اتفتح.
لكن بدل ما يلاقي فلوس أو دهب...
لقى دفتر قديم، وفلاشة
متابعة القراءة
