حماتي زقت ابني حكايات زهرة
حياتي.
طلعت على المسرح بثبات، وفتحت الشنطة، وطلعت منها أوراق تحويل الفلوس من البنك لحساب حماتي، وفواتير حجز الفندق اللي باسمي ومضياني عليها.
رفعت الأوراق في وش كل المعازيم، وبصيت لأبو العريس وقلت بصوت واضح وثابت
الولد ما كدبش يا حاج. دي كشوفات الحساب البنكي، 200 ألف جنيه شقا عمري ومقدم شقتي أنا وابني، اتسحبوا الشهر اللي فات وراحت لحساب الحجة سعاد تحت بند دين عائلي عشان تعيشكم في الوهم وتعمل فرح بمليون جنيه وهي معندهاش ملاليم! والنهاردة ابني يضرب ويتهان ويتزق عشان أكل حتة كيكة في فرح متبني بدم قلبي!
نورهان العروسة قعدت على الأرض بقدام فستانها الأوف وايت وهي بتصرخ وټعيط بكستها
يادي الڤضيحة! ېخرب بيتك يا سما! خرّبتي بيتي في ليلة عمري!
عمر العريس بص لنورهان بقرف، وخلع الوردة اللي على بدلتها ورماها في الأرض
البيت اللي يتبنى على ڼصب واستغلال للغريب والقريب، ما يتبنيش عليه بيت ومستقبل! أنا مش هكمل في المهزلة دي مع ناس بتاكل حقوق بعض!
أبو العريس مسك إيد ابنه وقال بصوت سمع القاعة
يلا بينا يا عمر.. الفرح ده ينتهي حالاً، والناس دي مالناش نسب معاهم!
في ثواني معدودة، عيلة العريس كلها انسحبت من القاعة، والمعازيم بتوعهم مشيوا وراهم وهم بيتهامسوا ويضحكوا ويصوروا بالموبايلات. القاعة الفخمة اللي كانت مليانة نور وفرحة تحولت في لحظة لساحة خړاب.
حماتي سعاد وقعت على الكرسي وهي بتصوت وتلطم على وشها
يا فضيحتك يا سعاد! يا خړاب بيتك يا نورهان! ال 200 ألف ضاعوا والفرح اتخرب والناس ضحكت علينا!
ماجد كان واقف زي الفزاعة، بصلي وعينيه مليانة دموع وندم، قرب مني وقال بصوت مكسور
سما.. أنا..
قطعت كلامه ورفعت إيدي في وشه
أنت تسكت خالص يا ماجد! أنت انهارده بعت ابنك وبعتني عشان ترضي أمك.. ابنك لما اتضرب وتهان، وقفت تتفرج وتطلب مني أستحمل عشان الفضايح! أهو ابنيك هو اللي جابلك الڤضيحة اللي تستاهلها!
طلعت من شنطتي الظرف الأصفر اللي زياد قال عليه اللي نورهان كانت رمياه تحت طاولتها لما المعازيم اتدربكوا وفتحت الظرف قدامهم.
كان فيه نقطة العريس وشيك بمبلغ محترم.
أخدت منه ال 200 ألف جنيه بتوعي بالضبط، وحطيت الباقي على الطاولة قدام حماتي سعاد.
قلتلها ببرود أبرد من الثلج
حق ابني وحقي رجعوا.. وال 200 ألف بتوعي أهو خدتهم بالجنيه. والشقة اللي كنتوا بتستخسروا نبنيها، هتبنى.. بس من غير ابنك!
بصيت لماجد وقلتله بكلمتين قاطعين زي السيف
ورقتي توصلني على بيت أهلي يا ماجد.. اللي ما يحميش ابنه ومراته في لحظة الظلم، ما يلزمناش في بقية العمر.
مسكت إيد زياد الصغيرة.. الولد كان باصصلي بفخر، ورافع رأسه لفوق.
مشينا في نص الطرقة الرخام، وشريط الكب كيك المهروسة تحت رجلينا كان شاهد على إن الظلم مهما طول وتكبر، ممكن كلمة حقيقة صريحة من طفل صغير تهده في ثانية واحدة.
خرجنا للهواء المنعش برة الفندق، وزياد بصلي وقال
ماما.. هو إحنا رايحين نجيب كب كيك تانية؟
ضحكت من قلبي ولأول مرة من 5 سنين حسيت إني بتنفس حرية.
حضنته بقوة وقلتله
هنشتري أكبر تورطة في البلد يا قلب ماما.. عشان أنت النهاردة علّمت الكبار درس مش هينسوه طول حياتهم!
