حماتي زقت ابني حكايات زهرة
المحتويات
بالعافية مشيت وراه من غير ما أفكر.
المسرح كان فوقيه المايك متثبت على ستاند قدام العروسين، وأهل العريس نازلين سلامات وبوس، والعريس عمر باصص لنورهان بفخر، وحماتي سعاد واقفة فردة ظهرها ولابسة الفستان السواريه الدهبي،
رافعة رأسها للسما وكأنها بتملك القاعة باللي فيها.
زياد استغل إن المصور بيعدل الكاميرا والكبار ملخومين في السلامات، وبتلقائية الأطفال اللي مفيهاش أي خوف، طلع على المسرح، وتسحب لحد ما وصل للمايك!
القاعة كلها هدأت لحظة لما صوت حشرجة المايك ضړب في السماعات.
حماتي لفت وشها، أول ما شافت زياد واقف قدام المايك، وشها اتخطف ولونه بقى شبه الطماطم الفاسدة.
زياد حط إيديه الصغيرين حوالين المايك، وبصوت طفولي نقي ومسموع في أبعد ركن في الفندق كله، قال
يا جماعة.. تيتة سعاد بتقول إني جعان وشحات عشان أكلت كب كيك.. بس هي أخدت الظرف الأصفر من عمو عمر العريس فيه فلوس كتير أوي، وقالت لعمتو نورهان خبي الظرف ده في شنطتك بسرعة عشان سما الهبلة تاخد الصابون بتاعه وتفتكر إننا معندناش فلوس ونضحك عليها وما نرجعش ال 200 ألف بتوع الشقة!
الزمن وقف!
الأغاني شغالة واطية في الخلفية، بس القاعة كأن نزل عليها صمت مقاپر.
مفيش ولا مليمتر حركة. المعازيم كلهم اتمسمروا في أماكنهم، والكاسات اتعلقت في الأيدين، والعيون كلها اتقصعت وراحت ناحية حماتي ونورهان!
زياد كمل ببرود وهو باصص لعمر العريس
وعمتو نورهان قالتلها يا ماما سما عبيطة وبتصدق ماجد أي حاجة يقولها، وتيتة قالت أهم حاجة الفرح يطلع أسطوري عشان ناس إسكندرية ما يقولوش علينا جربانين، وال 200 ألف بتوع الشقة هنبقى نتحجج إن الفندق غلي وما فضلش حاجة!
زياد نزل المايك من على بوقه، وبصلي بابتسامة نصر صغيرة وقال بالصوت العالي برضه
ماما.. أنا كده قلت الحقيقة صح؟ مش أنتي قولتيلى الحقيقة ما تضيعش؟
القاعة اڼفجرت!
زي ما تكون قنبلة اتفرقعت في نص الصالة.
أبو العريس راجل الأعمال المعروف بشخصيته الصارمة وشه اتغير 180 درجة. بص لعمر ابنه، وبعدين بص لحماتي سعاد ولنورهان اللي كانت واقفة بالمكياج الغالي وشها مېت من الړعب والكسفة.
أبو العريس قرب من المايك، مسكه پغضب وقال بصوت هز المكان
إيه الكلام ده يا حجة سعاد؟! هو إحنا داخلين على ناس ڼصابين وبتستغل فلوس النقطة والشبكة عشان يسددوا بيها ديونهم وياكلوا حق جارتهم ومرات ابنهم؟!
حماتي اتلجلجت، وجريت على المايك وهي بتترعش وتصرخ
والله الولد مچنون ومتربي غلط! ده طفل عبيط ومش فاهم حاجة! ما تصدقوهوش يا حاج! دي سما مرات ابني هي اللي محفظاه الكلام ده عشان تخرّب الفرح وتعملنا ڤضيحة!
هنا ماجد جوزي قفز على المسرح، وشه كان اسود من الخزي والكسوف. مسك إيد أمه وقالها بصوت عالي
أمي.. بس بقى! كفاية!
لكن أنا مش هسكت.
اللحظة دي كانت لحظة رد الاعتبار. الخطوة اللي أخدتها لقدام كانت أتقل وأقوى خطوة في
متابعة القراءة
