طلقتني من جوزي من حكايات زهرة الربيع
اخت جوزي فضلت ورايا لحد ما طلقتني من اخوها، كانت فاكره انها كسرتني مكانتش تعرف ان بعد ست شهور بالعدد هعزمها هيه واخوها على فرحي من جوزها!!
اسمعي كلام اختي، دي اغلى من الدنيا كلها عندي.. دي امي وبنتي وكل حاجة ليا!
الكلام ده كان اول نغمة اسمعها في بيتي بعد اول شهر جواز بس. اخت جوزي.. كانت فاكرة نفسها صاحبة البيت والريسة عليا في كل صغيرة وكبيرة. كانت تدخل شقتي تتأمر، تطبَخ اللي هي عايزاه، وتغير في ديكور بيتي، وكان لازم اوافق واهز رأسي وابتسم..لانها هيه اخته حببته اللي اتكفلت بيه بعد ۏفاة امه
في الأول قلت يلا معليش.. اخته الكبيرة ومربياه، ومفيش داعي للمشاكل. بس الموضوع عدى حدود الصبر بكتير. بقت تيجي البيت مخصوص عشان تعكر صفو حياتنا. تدخل المطبخ وتقول قدام اخوها بثقة وغل
إيه القرف ده؟ إيدها مش نضيفة خالص في الأكل يا حبيبي.. البيت ده ممل وتقيل على القلب!
تختلق مشاكل من العدم، تهمس في ودنه وهي باصالي بطرف عينها، ولو لقتني ساكتة ومش هرد، تبدأ هي الخناقة وبلمح البصر تتقلب للضحېة! تدمع عينيها وتصرخ شايف مراتك بتعاملني إزاي يا احمد؟
واحمد..
كان بيتحول في ثانية لأسد عليا، يزعقلي ويقل مني عشان يرضيها، وانا أقف أبلع في إهانتي ودموعي حابساها في عيني.
لحد ما جه اليوم اللي طفح بي الكيل فيه. وقفت قدامه بعد ما اخته مشيت وقلتله بصوت حاسم
أنا مش هقدر أكمل كدة.. اختك متتدخلش في حياتنا تاني يا احمد، البيت ده لينا احنا بس!
بصلي باستخفاف وقالي الجملة اللي حفرت چرح جوايا
اختي دي خط أحمر.. هي أهم عندي من الدنيا كلها ومنك، مش عاجبك الباب يفوت جمل!
سِبت البيت وأنا كلي أمل إن الأيام هتهديه، إن الڠضب هيروح وهييجي يتأسفلي ويصالحني. بس كنت طيبة زيادة عن اللزوم.. اخته فضلت وراه يوم عن يوم، تملا قلبه كره وقسۏة طلقها يا احمد.. دي ما تنفعكش، أنا هجوزك ست ستها!
وبعد سبع شهور جواز بس.. اتفاجئت بورقة طلاقي بتوصلني.
اټصدمت.. معقولة باعني بالسهولة دي؟ هدم بيته عشان يرضي كبرياء اخت؟ حبست نفسي في أوضتي شهر كامل، مش بدوق الأكل إلا بالمحايلة والتحايل من أهلي، حاسة إني اتكسرت والغل والۏجع واكلين في قلبي.
عدت شهور العدة، وقررت إني مش هفضل دفينة في الأوضة دي أكمل عمري عياط. رجعت لشغلي القديم اللي بحبه، هاند ميد
واكسسوارات وهدايا.
وجارنا عم جابر راجل بركة وبيحبني زي بنته عرض عليا أستغل جزء من دكانه أعرض فيه شغلي.
وفي يوم.. وأنا واقفة في الدكان بنظم شغلي، سمعت صوت الخطوات اللي بتطربق على الأرض. رفعت رأسي وكانت المفاجأة.. هي! هدى اخت طليقي واقفة قدامي، وابتسامة الشماتة مالية وشها، جاية ومعاها نيتها السودا تكسرني أكتر.
قالت بنبرة فيها كل الغل اللي في العالم
اذيك يا نهى مكنتش اعرف انك رجعتي تشتغلي تاني...على العموم كويس اصل انا حابه أشتري ميدالية مفاتيح لعربية جوزي حبيبي.. عايزه اشكره لانه مبيفرطش فيا ولا يستغنى عني لحظة، مش زي ستات كتير أجوازهم بيرموهم زي الژبالة من اول كام شهر!
دمي فار.. إيدي اترعشت وأنا ماسكة الحاجات، كنت هطردها وهفرتك الدنيا في وشها، بس افتكرت عم جابر وشغله، ومحبّتش أعمل مشكلة في محله. اتمالكت نفسي بصعوبة، وحاولت أصتنع الثبات التام وبصيتلها ببرود
نقي اللي إنتي عايزاه..
في اللحظة دي، دخل زوجها المحل عشان يستعجلها يلا يا هدى اتأخرنا..
أول ما شافني اتفاجئ إن ده محل طليقة أخو مراته. سلم عليا بكل أدب
