تالت يوم بعد ډفن أبويا بقلم صابرين محمد

هو نفس التاريخ ونفس الاسم ونفس التوقيع.
أما الرجل الكبير، فمسك الورقة بإيدين بترتعش وفضل يبص لها ثواني طويلة، قبل ما يغمض عينيه ويقول وكأن حملًا عمره عشرات السنين نزل من فوق كتفه
الحمد لله أخيرًا لقينا وصل الدين.
أما أخويا فكان لسه واقف يبتسم باستخفاف وهو مش فاهم إن الورقة اللي قال عنها من شوية خديها دي مالهاش أي لازمة. هي نفسها الورقة اللي هتغير حياتنا كلها بعد لحظات.
بص للمحامي وقال وهو بيضحك
يعني إيه بقى؟ الورقة دي فيها كنز ولا إيه؟ أصل لو عايزين الخمسة آلاف جنيه، أهو وصل الدين قدامكم وأنا مستعد أدهالكم حالًا!
الراجل الكبير ابتسم ابتسامة هادئة وقال
إحنا مش جايين ناخد خمسة آلاف جنيه إحنا جايين نرد دين عمره خمسة وخمسين سنة.
سكت الشارع كله.
حتى الهوا كأنه وقف.
أما المحامي، ففتح شنطة الجلد اللي كانت في إيده وطلع منها ملفًا سميكًا وأخرج ورقة مختومة بختم رسمي.
وقال وهو بيبص ناحية الناس
سنة ألف وتسعمية وسبعين والد موكلي استدان من المرحوم الحاج محمود مبلغ خمسة آلاف جنيه وكتب بخط إيده وصل الدين ده.
أخويا هز كتفه وقال بملل
طيب وبعدين؟
المحامي كمل
بعدها بأيام قليلة، سافر والد موكلي وبدأ تجارة بسيطة وربنا فتحها عليه بصورة محدش كان يتخيلها من تجارة صغيرة، لشركة، لمجموعة شركات، لحد ما بقى من أكبر رجال الأعمال.
الناس بدأت تبص لبعضها.
وأخويا لسه مش فاهم.
المحامي كمل كلامه وهو بيقلب في الأوراق
طول عمره كان يقول لأولاده أول خطوة في حياتي بدأت بالخمسة آلاف جنيه اللي استلفتهم من الحاج محمود ولولا وقفته معايا في أصعب وقت، مكنتش وصلت للي أنا فيه.
الرجل الكبير مسح دمعة نزلت من عينه وقال بصوت مخڼوق
أبويا فضل طول عمره يقول لو لقيتوا الحاج محمود، أو ولاده من بعده ردوا الدين ومتنسوش الجميل.
ثم فتح المحامي ورقة تانية وقال
وقبل ۏفاته، كتب وصية موثقة، أوصى فيها إن لو وصل الدين الأصلي فضل محفوظ، يبقى يتم رد الدين مع مكافأة كبيرة، تقديرًا لأمانة الرجل اللي احتفظ بالورقة كل السنين دي ومطالبش بحقه.
ثم رفع عينه وقال بصوت ثابت سمعه كل اللي واقفين
وبناءً على الوصية فإن المستحق لورثة المرحوم الحاج محمود اليوم ليس خمسة آلاف جنيه وإنما مائة مليون جنيه كاملة.
الجملة نزلت على الشارع كله كأنها صاعقة شقت السما.
واحد شهق وهو حاطط إيده على قلبه.
وواحد قال بصوت متقطع
لا إله إلا الله...
والسمسار نفسه رجع خطوتين لورا وهو فاتح بقه ومش قادر يستوعب اللي سمعه.
أما أخويا...فشفت اللون بينسحب من وشه واحدة واحدة، كأنه اتسحب منه الډم كله.
بص لوصل الدين...وبص للصندوق...وبعدين بص لي أنا. وفجأة...شوفت الړعب الحقيقي في عينيه.
افتكر...افتكر إنه من أقل من خمس دقايق وقدام أهل البلد كلهم، كان بيضحك وهو بيرمي الصندوق في حضڼي ويقول بمنتهى الاستهانة
خدي الصندوق بكل اللي فيه حلال عليكي الصور والورق القديم ده كله بتاعك أنا ماليش غير البيت.
بدأ يتلخبط وقرب من المحامي بسرعة وهو بيقول
استنى يا أستاذ الصندوق ده طلع من البيت والبيت ورثة يعني اللي فيه يخصنا إحنا الاتنين.
لكن السمسار رفع صوته قبل أي حد.
لا يا حسام أنا شاهد عليك إنت بنفسك قولت إن الصندوق بكل اللي فيه لأختك.
ورد عليه جارنا عم رمضان وهو بيهز راسه
وإحنا كلنا سمعناك.
وقال راجل تالت
إنت اللي قلت الورق القديم مالوش قيمة وخليته كله من حقها.
في اللحظة دي كان شيخ البلد وصل بعد ما سمع الناس بتتجمع، فسأل عن اللي حصل ولما عرف، قال بهدوء
الراجل لما يدي حاجة لحد قدام شهود ويرضى