انتي ممرضة ولا عربية نقل

خوف.
عدت الساعات، والليل دخل بكل ثقله وغموضه، المطر زاد برة، والرعد بدأ يهز السماء، والقصر الكبير كان ساكن ومظلم إلا من أضواء خاڤتة، ورجالة الحراسة كانوا موزعين في كل مكان، وكل واحد فيهم كان حاسس بثقل الليل وقلق الخطړ.
هدى كانت قاعدة في الأوضة الصغيرة، قريبة من أوضة سليم، كانت قاعدة بتراجع الأوراق الطبية، وبتراقب القراءات، ومش نائمة، متعودة السهر، ومتعودة اليقظة، ومتأكدة إن في حاجة غريبة في الجو، حاجة مش مريحة، حاجة بتقول لها إن الليلة دي مش هتمشي على خير.
وفجأة، سمعت صوت.. صوت مش واضح، صوت خاڤت، صوت زي صوت حديد بيتحك في حديد.. رفعت راسها، ركزت سمعها، قامت من مكانها ببطء، مشيت لحد الباب، فتحت شوية وبصت برة.. الحراس اللي كانوا واقفين في آخر الطرقة، شافت واحد منهم وقع على الأرض، وبعده التاني، ومحدش صوت، ومحدش حرك.. عرفت إن في هجوم، عرفت إن الخطړ دخل القصر، عرفت إنهم وصلوا لحد هنا.
جريت بسرعة لأوضة سليم، دخلت وقفلت الباب وراها بالمفتاح، وسندت ضهرها عليه، وقلبها يدق بسرعة.. سليم كان صاحي، شافها، شاف الخۏف في عينها، وسألها بسرعة وبصوت واطي
في إيه؟ حصل إيه؟.
هدى جريت عليه، قربت منه وقالت له بلهفة وسرعة
في ناس دخلوا القصر يا فندم.. هجوم مسلح.. الحراس وقعوا.. ومش عارفة عددهم ولا إيه اللي عايزينه.. بس لازم نتصرف بسرعة.
سليم حاول يقوم من على السرير، بس الألم أخده، صړخ من كتر الۏجع، ورجع تاني على المخدات، وشحوبه زاد وقال
أنا مش قادر أتحرك.. الچروح مفتوحة.. ومش قادر أدافع عن نفسي ولا عنكِ.. دول أكيد جايين عشان ېقتلوني، ومش هيرحموا حد معايا.
صوت طلقات ڼار بدأ يعلو برة، أصوات زعيق وصړاخ، أصوات تحطيم، والقصر كله بدأ يهتز، والدخان بدأ يدخل من تحت الباب والشبابيك.. هدى بصت حوليها، بتبحث عن أي طريقة، أي مخرج، أي حاجة تحميهم.. الشباك كان عالي، والطابق التاني، والحديقة تحت مليانة أشواك وحجارة، والباب وراه ناس عايزين ېموتوهم.
بصت لشنطتها الكبيرة، اللي كانت لسه واقفة جنب الكرسي، جريت عليها، فتحتها، وطلعت منها حاجات غريبة.. مش بس أدوية وضمادات، لأ، طلعت منها أدوات مساعدة، حبال قوية، أسطوانات صغيرة، أقنعة واقية من الدخان، وحتى جهاز اتصال لاسلكي صغير.. كانت مجهزة لكل حاجة، متعودة على الطوارئ، متعودة على المواقف الصعبة، متعودة تكون مستعدة لأي شيء.
سليم كان بيبصلها ومصډوم، مش فاهم إيه اللي بتعمله، وسألها
إيه كل ده؟ وإيه اللي جاب معاكِ كل الحاجات دي؟.
ردت عليه وهي بتحط القناع على وشه، وبتجهز الحبل
أنا ممرضة في طوارئ يا فندم.. والطوارئ مش بتجي لوحدها، وغالباً بتجي معاها مصايب أكتر.. فأنا دايماً مجهزة كل حاجة ممكن تحتاجها.. وخلينا دلوقتي من الأسئلة، الوقت مش في صالحنا.
جريت على الدولاب الكبير، شدته بكل قوتها وسندته على الباب عشان تمنع أي حد يدخل، وبعدين جت له، مسكت إيده، وقالت له بكل جدية وقوة
اسمعني كويس.. أنا هشيلك، وهننزل من الشباك، الحبل ده قوي وطويل، وهننزل ببطء.. الچروح هتتألم، وهتوجعك قوي، بس لازم تتحمل، لازم تصبر، عشان لو وصلوا لينا هنا، ھنموت الاتنين.. أنا مش هسيبك، ومش هسمح لحد يأذيك، وعد مني.. هتثق فيا ولا لأ؟.
سليم بصلها، بصلها بكل تفاصيل وشها، بصلها بعينها اللي كانت مليانة شجاعة وعزيمة، بصلها ولأول مرة حس إن فيه حد جنبه، حد بيقف معاه، حد مش خاېف ولا جبان، حد عايز ينقذه مهما كان التمن.. هز راسه وقال لها بصوت