جوزي متغرب بقلم اماني سيد

وفي صوته بدأت نبرة مختلفة نبرة حد لسه بيحاول يلاقي نقطة يثبت بيها نفسه
يعني إنتِ ناوية تكسري اللي بينا كده؟
قربت منه بهدوء، وقلت بصوت واطي بس واضح
اللي بينا اتكسر يوم ما دخلت بيتك وأنا شايفة إنك شايفني غريبة فيه.
سكت.
الهدوء كان أقسى من أي خناقة.
رجع خطوة لورا، وبص حوالينه كأنه بيشوف البيت لأول مرة.
أنا رجعت عشان نبدأ من جديد مش عشان أتحاصر!
ابتسمت بسخرية خفيفة تبدأ من جديد مع مين يا راضي؟ مع الست اللي كنت بتقولها كل شهر فلوسك مكفياها؟ ولا مع سماح اللي كانت داخلة البيت كأنه ملكها؟
اسم سماح لما اتقال، وشه اتشد.
في اللحظة دي، الباب خبط تاني خبط أقوى.
المرة دي كان ساعي البريد ومعاه ظرف رسمي.
سلمه لراضي ومشي بسرعة.
راضي فتح الظرف بإيد بتترعش وعيونه بدأت تقرأ.
كل سطر كان بيكسر فيه حاجة.
بلاغ مراجعة نشاط مشروع تجميد جزئي لحين إثبات مصدر التمويل
رفع عينه فجأة إنتِ ډخلتي في الموضوع ده كمان؟
قلت بهدوء أنا دخلت لما لقيت إن اللي بيبني مشروع ممكن يكون بيهدم بيت.
سكت لحظة وبعدين قال بصوت مكسور شوية لأول مرة طب أنا كنت فين في كل ده؟
قربت خطوة واحدة وقلت
كنت بره وأنا كنت جوه لوحدي.
الصمت رجع يملأ المكان.
بس المرة دي مختلف.
مش صمت ټهديد
ده صمت مواجهة.
راضي حط الظرف على الترابيزة، وقعد فجأة كأنه اتسحب منه كل طاقة.
إنتِ عايزة إيه دلوقتي؟
بصيت له ثانيتين، وبعدين قلت
عايزة بيت يرجع فيه الاحترام الأول قبل أي أسماء أو أشخاص.
رفع عينه ليّ، وفيها حاجة جديدة مش عناد.
توهان.
وقبل ما يرد، موبايله رن تاني.
بص للشاشة ووشه اتغير.
المكالمة من رقم دولي قديم.
رقم كان مفروض يخلص من سنين.
رفع عينه ليّ وقال بصوت منخفض
ده شريكي القديم في السفر.
وقتها بس حسيت إن اللي جاي مش مجرد خلاف عيلة.
ده ملف قديم كان متغطي وبدأ يتفتح من جديد.
وبدأنا ندخل في حكاية أكبر من بيت وأكبر من زواج حكاية مش هتتحسم بسهولة خالص راضي فضل واقف مكاني، الموبايل في إيده بيرن تاني وتالت، بس هو مش بيرد عينه عليا كأنه لأول مرة يشوفني.
سماح اتلخبطت، وقربت خطوة وقالت بارتباك في إيه يا راضي؟ مالك؟
هو رد عليها وهو لسه بصصلي إنتِ عملتي إيه؟
سكت لحظة، وبعدين كمل بصوت أعلى إنتِ قافلة حساباتي؟!
ابتسمت بهدوء وقلت أنا ماقفلتش حاجة أنا بس رجعت كل حاجة مكانها الطبيعي.
خطوة ورا خطوة، قرب مني، وصوته بدأ يعلى يعني إيه مكانها الطبيعي؟ أنا اللي كنت ببعت فلوس البيت ده سنين!
ضحكت ضحكة قصيرة كنت بتبعت فلوس عشان تعيش براحتك مش عشان تملك اللي هنا.
في اللحظة دي، الباب خبط خبطات سريعة.
سماح فتحت، ولقيت محامي واقف ومعاه ملف سميك.
دخل بهدوء، وبص لراضي وقال أستاذ راضي؟ فيه إجراءات اتاخدت بناءً على توكيل رسمي قديم موقع من حضرتك وتم تحديثه من الطرف الآخر.
راضي اتجمد.
توكيل إيه؟ أنا ماوقعتش على حاجة!
المحامي فتح الملف وقال حضرتك مديت الزوجة حق الإدارة الكاملة للحسابات والاستثمارات وقت السفر والتحديث الأخير أكد استمرار التوكيل لحد الرجوع والاستقرار الرسمي داخل البلد.
سماح بصت له پصدمة يعني إيه؟!
راضي لف ناحيتي بسرعة إنتِ لعبتيها من ورايا؟
قربت خطوة وقلت بهدوء أخطر أنا ما لعبتش أنا حافظت.
سكت ثانيتين، وبعدين كملت إنت كنت فاكر إن السفر سنين بيخلي الورق يضيع بس الحقيقة إنه بيخلي الثقة تتكتب ضدك لو اتكسرت.
راضي ضړب إيده في الحيطة بعصبية إنتِ عايزة توصلي لإيه؟!
بصيت له مباشرة أوصلك إن البيت ده مش مسرح تمثيل ولا سماح دي هتفضل قاعدة فيه كأنها صاحبته.
سماح