هدية جوزي حكايات زهرة

لقيت خاتم غالي جدا في جيب جاكت جوزي افتكرته جايبهولي هديه لعيد جوازنا ، بس في وسط الحفله قاللي انا اسف نسيت عيد جوازنا ومجبتش هديه ، بس مش دي المصېبه المصېبه ان خطيبة اخوه دخلت الحفله وهي لابسه نفس الخاتم
كنت واقفة بفرز الهدوم اللي محتاجه غسيل عشان ألحق أخلص اللي ورايا قبل ما اليوم يضيع. مكنش في دماغي أي حاجة غير إن بكرة يوم مش عادي.. بكرة عيد جوازنا السابع. سبع سنين عدوا زي الهوا، حب وتفاهم، مفيش مرة نسى فيها المناسبة دي، كل سنة كان بيطلعلي بفكرة شكل وهدية شكل. كنت ببتسم وبقول في بالي يا ترى جايبيلي إيه السنة دي يا ياسين؟.
مديت أيدي في جيب جاكت بدلة ياسين عشان أطلع أي أوراق أو فلوس قبل ما أرميه في الغسالة.. صوابعي خبطت في علبة قطيفة صغنونة ومربعة. قلبي دق بسرعة. طلعتها بالراحة وفتحتها.. أول ما شفت الخاتم اللي فيها انبهرت! خاتم يجنن، فخم وغالي جداً، لمعته تحت نور الحمام كانت بټخطف العين. اتسمرت مكاني وبصيت للخاتم بشغف وفرحة مش سايعاني. الله يا ياسين.. أهو ده بقى اللي بجد يتقال عليه ذوقك يجنن!.
لسه هقفل العلبة وأرجعها مكانها عشان مابوظش المفاجأة، لقيت ياسين طالع من الحمام وشكله مڤزوع، عينيه زاغت على الجاكت اللي في أيدي، وجري عليا بسرعة غريبة خطڤ الجاكت من أيدي وقال بنبرة متوترة حاول يداريها
إيه ده يا حبيبتي؟ لا لا، الجاكت ده سيبيه، ده نضيف مش عايز اغسله، سيبيه وأنا هشيله في الدولاب بنفسي!.
أنا ساعتها طبعاً ضحكت في سري، وغمزت لنفسي في المراية. كنت فاهمة توتره ده إيه! الراجل اتخض لكون اكتشفت المفاجأة اللي محضرها لي لبكرة. عشان مكسفوش ومبينش إني شفت العلبة، ابتسمت وقلت له
خلاص يا حبيبي ولا يهمك، شيله أنت.
أول ما لف ضهره، أخد الجاكت وجري بيه على الدولاب عشان يخبيه. ضحكت من قلبي على تصرفه الطفولي !.
قررت من لحظتها إن طالما هو عامل لي مفاجأة غاليه كده، أنا كمان لازم أفاجئه وأعمله ليلة ما ينساهاش طول عمره. أول ما نزل الصبح ولبس نفس الجاكت ونزل على شغله، بدأت الخطة. اتصلت بأخته سارة، جاتلي على طول وبدأنا نجهز البيت. قلبنا الشقة جنة، ورد وشمع وأغاني هادية، ودخلنا المطبخ عملنا أشكال وألوان من الأكلات والحلويات اللي ياسين بيحبها. نزلت في وسط اليوم واشتريت له ساعة رجالي فخمة جداً، كنت جيباها بحب وبكل قرش معايا، عشان تبقى حاجة تليق بيه وتقدير مني لكل سنين الحب اللي بيننا.
كل حاجة كانت مثالية.. المكان، الأكل، الإضاءة، والضيوف اللي عزمتهم من قرايبنا وقرايبه عشان نفرح كلنا سوا. كنت لابسة أشيك فستان عندي، ومستنية لحظة دخوله من الباب عشان أشوف نظرة الانبهار