بعد ٣ ايام بس من ولادتي
بتدرب بس.
سارة ضحكت ضحكة قصيرة من شدة الصدمة.
بتتدربي؟!
الراجل حاول ينسحب ناحية الباب.
أنا ماليش علاقة بالأوراق دي أنا مجرد مستشار روحي.
رفع أحمد العقد قدامه.
واسمك ده إيه؟
الراجل سكت.
اسمك مكتوب مدير الشركة.
وشه اتغير.
قال بسرعة
كل حاجة كانت هتتم بموافقة الأستاذ أحمد.
ردت سارة
بموافقته
ولا بتوقيع مزور؟
في اللحظة دي
ضغطت على زر التسجيل في موبايلها.
وقالت
وأنا كلمت أمن العمارة.
بعد أقل من دقيقة
البواب طلع هو واتنين من الجيران.
الشيخ حاول يهرب.
لكن البواب وقف قدامه.
محدش هينزل قبل ما نفهم فيه إيه.
الحاجة فوزية بدأت ټعيط.
بس دموعها ماكانتش دموع ندم.
كانت دموع ڠضب.
بصت لأحمد وقالت
شفت؟ مراتك هي اللي عملت فيا كده!
أحمد بص لأمه بحزن عمره ما حس بيه قبل كده.
أنا دفعتلك علاج.
ودفعتلك إيجار.
وجبتلك أجهزة.
وصرفت عليكي سنين.
وسارة كانت بتطبخلك بنفسها لما تعبتي.
وبعد كل ده
تقولي هي السبب؟
ردت بعصبية
أنا أمك ومن حقي تساعدني.
هز راسه بهدوء.
المساعدة حقها الحب
مش الكذب.
ومش السړقة.
ومش تزوير توقيع ابنك.
الجملة وقعت على أمه كأنها صڤعة.
سارة فتحت الظرف.
بدأت تعد الفلوس.
مية
مية وعشرين
مية وخمسين
مية اتنين وخمسين ألف.
رفعت عينيها.
ناقص تمانية وعشرين ألف.
الحاجة فوزية بصت على السفرة.
العزومة كلفت حوالي عشرة آلاف.
بصت سارة للشيخ.
والباقي؟
ارتبك.
دي أتعاب الجلسة.
معاك فاتورة؟
سكت.
عقد؟
سكت.
أي إثبات؟
ولا كلمة.
سارة طلعت موبايلها واتصلت بالشرطة.
المرة دي
مفيش ټهديد.
ولا تمثيل.
بلغت بكل اللي حصل.
بعد أقل من نص ساعة
وصلت قوة من الشرطة.
وأثناء تفتيش شنطة الشيخ
لقوا فلوسهم.
ولقوا صور بطايق ناس تانيين.
وعقود.
وأوراق قروض.
وأسماء ستات كتير.
ساعتها اتقبض عليه.
وأخدوا الحاجة فوزية عشان تدلي بأقوالها.
قبل ما تنزل
وقفت قدام أحمد وقالت برجاء
قولهم كان سوء تفاهم.
بص لها.
وقال بهدوء
سوء التفاهم بيحصل مرة
لكن إنتي خططتي وكذبتي وخدعتيني.
وأول مرة
رفض يمشي ورا دموعها.
بعد أيام
استرجعوا أغلب الفلوس.
فضل ناقص تمن العزومة اللي راحت.
لكن أحمد كان خسر حاجة أكبر.
الصورة اللي عاش سنين شايف بيها أمه.
في نفس الليلة
وهم راجعين البيت.
أحمد قلع الجزمة المطاط من رجله، وحطها في شنطة العربية.
ضحكت سارة وقالت
هترميها؟
ابتسم لأول مرة من ساعات.
لا
دي هتفضل معايا.
كل ما أشوفها
هفتكر أكتر فيضان ناشف حصل في حياتي.
بعد شهر
فتح هو وسارة حساب مشترك.
واتفقوا إن مفيش جنيه كبير يطلع إلا بموافقة الاتنين.
ولو أي حد طلب مساعدة
يبقى الأول يشوفوا الدليل.
ولو في مرض
الدفع يبقى للمستشفى.
ولو في تصليح
الدفع للصنايعي.
مش فلوس في الإيد.
ومع الوقت
أحمد بدأ يتعلم يقول كلمة عمره ما كان يعرف يقولها لأمه.
لأ.
كانت الكلمة في الأول بتوجعه.
لكن كل مرة كان بيقولها
كان بيحس إنه بيرجع يحترم نفسه من جديد.
أما الحاجة فوزية
فاتصلت بيه كذا مرة.
مرة تقول إنها تعبانة.
ومرة تقول محتاجة فلوس.
ومرة تلوم سارة.
لكن الرد كان واحد.
ابعتي الإثبات وأنا هتكفل بالمصاريف مباشرة.
ومع الأيام
فهمت إن ابنها اتغير فعلًا.
وبعد شهور
اشتروا العربية اللي كانوا بيحلموا بيها.
وأول حاجة حطها أحمد في الشنطة الخلفية
كانت الجزمة الخضرا.
ضحكت سارة وقالت
معقول لسه محتفظ بيها؟
ابتسم وهو شغّل العربية الجديدة.
وقال
دي أغلى درس اتعلمته في حياتي
مش كل اللي بيعيط يبقى مظلوم
ومش كل اللي بنحبه ينفع نثق فيه من غير دليل.
ومن يومها
كل ما كان موبايله يرن، وحد يقوله
إلحق في مصېبة!
كان يبتسم بهدوء
ويسأل سؤال واحد قبل أي حاجة
فين الدليل؟
بعد ستة شهور
الحياة بدأت ترجع لطبيعتها.
أحمد بقى هادي أكتر، وسارة أخيرًا بدأت تحس بالأمان.
العربية الجديدة بقت قدام البيت،
والحساب البنكي المشترك كان ماشي بنظام محدد، ومبقاش فيه جنيه بيتصرف من غير ما الاتنين يعرفوا.
أما الحاجة فوزية
فمن يوم القضية، محدش شافها كتير.
كانت بتطلع من البيت قليل، واتقطعت تقريبًا عن كل معارفها.
وفي يوم جمعة الصبح
كان أحمد بيغسل العربية، وسارة بتحضر الفطار.
رن جرس الباب.
فتحت.
لقيت راجل كبير في السن، لابس بدلة بسيطة، وفي إيده ظرف أبيض.
قال باحترام
حضرتك مدام سارة؟
أيوه.
ناولها الظرف وقال
ده أمانة ووصاني أسلمهولك بعد ست شهور بالظبط.
استغربت.
مين؟
الراجل اتنهد وقال
الأستاذ اللي كان بيقول على نفسه الشيخ بركات.
اتجمدت مكانها.
هو فين؟
ماټ من أسبوع.
سكتت لحظة.
ماټ؟
أيوه
وقبل ما ېموت سلمني الظرف ده، وقال لو الست دي لسه عايشة في نفس العنوان ادّيهولها.
أخدت الظرف وقفلت الباب بسرعة.
أحمد أول ما شاف اسم الراجل على الظرف، اتغير لون وشه.
فتحوه.
كان جواه فلاشة صغيرة
وورقة مكتوب عليها بخط مرتب
لو الرسالة دي وصلتلكم يبقى أنا خلاص مبقتش موجود.
أنا نصاب ومش هكذب على نفسي قبل ما أموت.
بس فيه حاجة واحدة مقدرتش أخدها معايا.
سارة بصت لأحمد.
وصل الفلاشة بالكمبيوتر.
ظهر تسجيل قديم.
الشيخ بركات كان قاعد في نفس الشقة.
لكن المرة دي
كان بيتكلم مع حد مش ظاهر في الكاميرا.
الصوت اللي رد عليه
كان مألوف جدًا.
قال
المهم أحمد ميعرفش الحقيقة أبدًا.
سارة بصت لأحمد بسرعة.
أحمد قرب من الشاشة.
الصوت كمل
لو عرف مين أبوه الحقيقي كل حاجة هتضيع.
اتسعت عيون أحمد.
همس
مستحيل
ظهر صاحب الصوت قدام الكاميرا للحظة
ولم يكن شخصًا غريبًا.
كان خال أحمد.
الراجل اللي كان يعتبره أقرب واحد ليه بعد أمه.
التسجيل انتهى فجأة.
وساد صمت ثقيل في البيت.
أحمد فضل باصص للشاشة، وكأن الأرض انسحبت من تحت رجليه.
بص لسارة وقال بصوت مرتعش
واضح إن اللي حصل مع أمي ماكانش بداية الحكاية.
واضح
إن فيه سر أكبر مستخبي بقاله أكتر من تلاتين سنة.
