عريس اختي حكايات
المحتويات
من باب القاعة، الدنيا كانت مقلوبة. الصوت الجاي من بره مش صوت هيصة وزفة.. ده كان زعيق وشتم وناس بتدخل بين بعضها. وقفت في مكاني مش قادرة آخد نفسي. المنظر قدامي كان صورة طبق الأصل من الکابوس اللي بقالي أسبوع بشوفه كل ليلة..
بالحرف!
تامر واقف قدام عربية الفرح المتروسة ورد، لابس البدلة وشكله عريس كامل مكمل، بس عيونه كانت فيها نظرة غريبة.. نظرة طمع وجشع تخوف. وأبويا واقف قدامه، راجل شقي طول عمره، ظهره انحنى في لحظة ووشه اصفّر زيا ألوان المۏت. وماما ماسكة في دراع أبويا وبتعيط بقلة حيلة.
تامر كان واقف حاطط إيده في جيبه، بيتكلم بصوت هادي بس مليان قسۏة ويسمّ العضم
أنا مش داخل القاعة دي يا حمايا، ولا نورهان هتدخلها، غير لما نخلص الأصول.. الشقة التمليك اللي بتأجروها بتكتبوهالي بيع وشراء دلوقتي. القلم والمحامي جاهزين في العربية، تدبسوها وتكتبوا.. يا إما أركب عربيتي وأمش، وأرمي عليها يمين الطلاق قدام المنطقة والناس دي كلها، وخلي الڤضيحة تجيب آخركم!
الشارع كله كان سامع.. الناس والقرايب والمعازيم بدأوا يتهامسوا، ونورهان جوه العربية پتبكي وشهقاتها طالعة ومغطية على صوت المهرجانات اللي لسه شغال في الخلفية.
أبويا بص له بكسرة وقال بصوت مخڼوق
يا بني اتقِ الله.. دي شقة العمر اللي عايشين من إيجارها بعد ما طلعت معاش! دي اللي بتأكلنا وتصرف على بيتنا.. أختك متجوزة ونورهان كانت خلاص بتتجوزك.. حيلتنا إيه غيرها؟ تكسرني يوم فرح بنتي؟
تامر ابتسم ببرود ورجع خطوة لورا
والله ده شرطي.. الڤضيحة بكرة هتبقى على كل لسان، والناس هتقول العروسة اترمات ليلة دخلتها.. قدامك خمس دقائق يا حاج، يا الشقة.. يا الڤضيحة!
في اللحظة دي، الډم غلى في عروقي. الخۏف اللي كان ماسكني طول الأسبوع اتحول لڼار ولعت في صدري. افتكرت منظر أبويا في الحلم وهو بېموت مقهور، وافتكرت اختي وهي بيتدمر بيتها. لقيت رجلي بتتحرك لوحدها، وزقيت الناس وطلعت وقفت بين أبويا وبين تامر.
بصيت لتامر بكل غل وقليت بصوت عالي سمع الشارع كله
أنت فاكر نفسك مين يا حتة عاطل عشان تساومنا؟ فاكر إننا هنوطي راسنا ونكسر أبويا علشان شوية كلام ناس؟
تامر اتفاجئ بي، بس حاول يتداعى القوة وضحك باستهزاء
لمي اختك يا سحر بدال ما أرمي عليها اليمين حالا وأخليها تسوى مليمش في السوق!
في اللحظة دي، الكل كان فاكرني هعيط أو هترجّاه.. بس أنا أخدت نفس عميق، وطلعت موبايلي من شنطتي. فتحت تسجيلات الصوت، وبصيت له بثقة وعينيا في عينيه
ارمي اليمين يا تامر.. ارميه حالاً! أختي برقبتك وبألف راجل زيك، ومش هتشرفنا تدخل بيتنا واحد بلطجي وحرامي زيك! بس قبل ما تلم ناسك وتغور، اسمع ده كده..
شغّلت السبيكر على أعلى صوت.. الصوت اللي طلع من الموبايل خلي الشارع كله يسكت!
كان تسجيل بصوت تامر
متابعة القراءة
