حماتي
إنني أتابع حالة ابني من أول ما هو صغير، وعندي كل فواتير علاجه، وكل ما يخصه. وعندي شهادة من المدرسة بتقول إنه ممتاز في دراسته ومش عنده أي مشاكل سلوكية. لكن اللي عندي دلوقتي حاجة تانية حاجة تثبت إن الشكوى دي كلها مکيدة مدبرة عشان هدف تاني غير الولد.
بص لي المحامي بقلق، وقال
أي حاجة دي؟ ومش مسموح لك تضلل الأجهزة الرسمية.
طلعت الجهاز الصغير من جيبي، وقلت
ده جهاز تسجيل كان ابني شاريه لمشروع المدرسة، وسمع كل كلامهم لما كانوا فاكرين إنهم لوحدهم. وكل الحقيقة جواه.
فتحت التسجيل الأول، وطلع صوت حماتي واضح
الولد ده مش هياكل معانا على السفرة غير لما يعرف هو مين في البيت ده!
وبعدين صوتها وهي بتقول له
أنت مش حفيدنا الحقيقي، ويوسف هو اللي يستحق كل حاجة هنا، وأنت لازم تشكر ربنا إن محمود وافق يربيك ومش رميتك في الشارع!
وكل ما شغلت جزء، كانت وجوههم بتغير لونها. حماتي كانت بتتحرك عشان تاخد الجهاز مني، بس الموظفين منعوها. شغلت الجزء اللي كانوا بيتكلموا فيه عن البيت والفلوس
أول ما المحكمة تاخد الولد منها هتمضي على نقل البيت باسم محمود، وبعدين نبيع جزء منه ونرجع الفلوس اللي سرقها من الشركة قبل ما يكشفوا الأمر!
محمود محتاج البيت ده ضروري، ده ضمان كل حاجة لينا!
وبعدين شغلت آخر تسجيل، تسجيل محمود نفسه وهو بيقول للمحامي
أول ما تنقل البيت باسمي مش هنحتاج الولد بعدها، هندخله مدرسة داخلية بعيدة ونقول لها إنه هرب ومحدش يعرف عنه حاجة!
ده مجرد وسيلة، وبعد ما نخلص منها، نرتاح منه للأبد!
السكوت ساد المكان كله. محمود واقف مش عارف يرفع عينه في حد، وحماتي بتتنفس بصعوبة، وأخت جوزي بتدور على مخرج من الحالة دي. الموظفين بصوا لبعض، وبعدين بصوا لمحمود پغضب. قال أحدهم
يعني كل الشكوى دي كڈب وافتراء، والهدف منها استغلال الطفل لتحقيق مكاسب مالية؟ وانتِ بتعرضي الطفل للإساءة النفسية والجسدية عشان تصلوا لهدفكم؟
قالت حماتي بسرعة
ده كلام كڈب! ده تسجيل مزور! هي عملته عشان تخلص منا!
قلت لها وأنا برفع كم عمر اللي كان معايا في اللحظة دي بعد ما خرج من مخبأه
ده كڈب؟ والکدمة اللي في دراعه من يوسف، وكلامك اللي سمعته بنفسي وأنتِ بتعطيه بطاطس باردة والفراخ لابن بنتك، ده كمان كڈب؟
بص الموظف للكدمة، وبص لعمر اللي كان بيقول بصدق واضح
كل كلام ماما صحيح. تيتا كانت بتقولي كل يوم إنني غريب، وبتعطيني أكل بارد، ويوسف كان بيضربني وهي بتقولي استحمل. وبابا كان عارف وبيقولي ما تحكيش لماما عشان ما تزعلش.
الصدمة كانت واضحة على كل واحد موجود. المحامي اللي كان
