بيت امي ١ حكايات زهرة حصري
المحتويات
سا قلب اخوكي انتي كبرتي زبقيتي عروسه وكلها كام سنه واجوزك....ولحد ما يجي اليوم ده فيه حتة فاضية اللي جمب البيت دي، أنا هبنيلك فيها أوضة محندقة بحمامها، تقعدي فيها. والبيت أهو موجود، لو عوزتي تطبخي لقمة ولا تعملي حاجة، ادخلي اطبخي في المطبخ عادي، إحنا مش غرب عن بعض!
في اللحظة دي حسيت إن قلبي هيقف من كتر القهر. أوضة بره البيت؟ يرميني رمية الكلاب عشان يفضي المكان لعروسته؟ وقفت على حيلي وزعقت فيه بعلو صوتي مستحيل! مستحيل اللي بتقوله ده يحصل أبدًا! إنت اټجنتت يا كريم؟ عايز تبني؟ ابني شقتك فوق البيت، اطلع بدور تاني وسيبلي بيت أمي وأبويا أعيش فيه بكرامتي. إنما ترميني بره البيت وأمك لسه مكملتش أسبوع مېتة؟!
ملامحه اتقلبت ١٨٠ درجة، وعينه احمرت من الڠضب. وقف وزعق فيا أمك وأبوكي خلاص الله يرحمهم وشبعوا مۏت! والبيت ده بقى من حقي أنا.. أنا الراجل، وأنا الوريث الكبير، وإنتي بنت مسيرك لبيت جوزك، ومش إنتي اللي هتمشي كلامك عليا يا بت!
رديت عليه بقلب محروق مش هيحصل يا كريم، ومش هطلع من البيت ده لو على رقبتي!
مستحملش كلامي. حس إن كرامته اتهانت أو إن طمعه اټهدد. في ثانية لقيت قلم نزل على وشي طيرني في الأرض. مسكني من شعري وجرجرني وهو بيضربني بكل غل وقسۏة، وأنا پصرخ وبتوجع، مش من الضړب، من الغدر. قهرني وقالي وهو بينهج ورحمة أمي، في ظرف شهر من النهاردة هكون عادل البيت ده وموضبه وهسكن فيه، وأعلى ما في خيلك اركبيه، واحمدي ربنا إني هعملك أوضة تلمك بدل ما أرميكي في الشارع!
من اليوم ده، كريم بدأ يتجاهلني تمامًا ولا كأني موجودة. جاب عمال وبدأوا يهدوا ويوضبوا في البيت، يغيروا معالمه، ويدهنوا الحيطان بألوان جديدة. كان بيمسح ذكريات أمي وأبويا قدام عيني وأنا عاجزة. وفي نفس الوقت، بنا لى أوضة صغيرة بره بالطوب الأحمر، ضلمة وقبضت الصدر، وحطلي فيها سرير قديم وحمام صغير.
كنت بقعد في الأوضة الجديدة دي بالليل، أسمع صوت العمال وهما شغالين في
متابعة القراءة
