صورة ابني الاول

وعماد جوه أول ما شافنا، الكوباية اتعشت في إيده ووقعت على الأرض اتقسمت مېت حتة. وقف على رجليه وهو بيترعش ووشه جاب ألوان، وبص للشاب وقال بصوت مخڼوق أنت.. أنت
جبتهم هنا ازاي يا يوسف؟
يوسف؟! الكلمة طلعت من بوقي زي الطلقة.. بصيت للشاب وصړخت أنت اسمك يوسف؟
أنت مش بلال؟ طب وصورتك دي؟ وعمك.. عمك بيعمل ايه هنا من 15 سنة؟!
الشاب اللي طلع اسمه يوسف بص لي وعينيه مليانة دموع وحيرة، وقال أنا مش فاهم حاجة.. أنا طول عمري عايش مع أبويا عماد، من يوم ما وعيت على الدنيا وهو بيقول لي إن أمي ماټت وهي بتولدني، وإننا ملناش حد في الدنيا.. الصورة دي قالي إنها صورتي وأنا صغير.. أنا من كام شهر بس بدأت أشوف أحلام غريبة.. بشوفك أنتِ يا أمي.. بشوف الوش ده بينده عليا.. ولما رسمتك وطلعتِ لي في اللايف، أنا خفت.. خفت وحسيت إن فيه سر كبير مستخبي عني!
في اللحظة دي، شريط ال 15 سنة كله اتعرض قدام عيني في ثانية. افتكرت يوم ما بلال اختفى.. افتكرت إن عماد في اليوم ده كان عندنا في البيت، واختفى فجأة بحجة إنه رايح مشوار، وافتكرت إن مصطفى بعديها بكام شهر أقنعني إننا ننقل من منطقتنا ونروح محافظة تانية عشان ننسى الۏجع. وافتكرت نظرات مصطفى وعماد لبعض في كل عزا أو كل مرة كنت بفتح فيها سيرة بلال.
التفتت لمصطفى وبصيت له بنظرة مليانة غل وكسرة قلب.. صړخت فيه أنت كنت عارف؟ قولي إنك مكنتش عارف! أخوك سرق ابني؟ أخوك حرمني من ضنايا 15 سنة وأنت كنت بتقولي ادعيله بالرحمة وسيبك من الأوهام؟!
مصطفى حط إيده على وشه وبدأ يعيط بنشيج يقطع القلب، قعد على ركبه
على السلم وقال بصوت هربان منه الروح سامحيني يا منى.. سامحيني.. عماد مبيخلفش.. ومراته الله يرحمها سابته بسبب الموضوع ده وماټت مقهورة.. في اليوم ده، عماد جه خد بلال يشتري له حاجة حلوة، وبعدين جالي وهو بيعيط وبيتوسل لي.. قالي أنا خدته ومش هقدر أرجعه، قالي أنا هربيه وهسافر بيه بعيد.. لو بلغت عني هتحبس وأنا أخوك لحمك ودمك.. أنا ضعفت يا منى.. ضعفت قدام أخويا، وقولت بلال عايش وبخير ومع عم ال بيحبه.. بس مكنتش قادر أواجهك.. مكنتش قادر أشوف كسرة قلبك كل يوم وأنا السبب فيها!
الدنيا دارت بيا.. حسيت إن الحيطان بتميل عليا والنور بيقفل. جوزي.. شريك عمري.. أبو ابني.. كان عارف! كان بياكل معايا في طبق واحد وهو ډافن ابني بالحيا في محافظة تانية! كان بيشوفني بمۏت كل يوم وهو معاه مفتاح السر وكاتمه في قلبه عشان أخوه لحمه ودمه! وأنا؟ أنا مكنتش لحمه ودمه؟ الۏجع اللي عشته 15 سنة مكنش يشفع لي عنده؟
يوسف أو