فرح اخويا ١ حكايات زهرة حصري
في فرح اخويا الوحيد قامت خڼاقه لرب السما بسبب ابني الصغير بين حماتي وعروسة اخويا، وجوزي اتنرفز وحلف يمين لنمشي كلنا من الفرح واني لو ممشيتش معاه هيطلقني حالا ، بس ابويا اصر اكمل الفرح وحلف يمين على يمينه لو مشيت معاهم ما هيدخلي بيت تاني ولا هيعتبرني بنته !!!
اليوم ده مش هنساه طول حياتي كان أخويا الوحيد، بيتجوز...و من صبحية ربنا وأنا معاهم في تحضيرات وترتيبات
كل حاجة كانت كاملة: القاعة، الأغاني، الزغاريد اللي طالعة من قلب أمي، وعيون أبويا اللي كانت بتبرق بالدموع وهو شايف حلم عمره بيكمل.
دخلنا الفقرة بتاعة الرقص والمهرجانات، والمسرح كان زحمة، والناس بتنط وتهيص. سليم ابني الصغير كان فرحان وعايز يجري ورا العريس . وفي ثانية، ثانية واحدة بس، رجل سليم الصغيرة جات على ديل فستان العروسة وهو بيجري. العروسة متوترة، مضغوطة من الفستان والحر، وفجأة تلف وتزق الولد بكل قوتها! سليم طار من على طرف المسرح ووقع على الأرض، صړخة الولد شقت القاعة، والكل التفتله.
وقبل ما أتحرك من ذهولي، كانت حماتي—أم جوزي هاشم—نزلت زي الصقر، شالت الولد وهو بيعيط وصړخت في وش العروسة: "إيه الغل ده؟! عيل صغير داس على زفت ديل الفستان تقومي تزقيه يقع كدة؟!"
العروسه قالت بخضه...والله ما قصدت يا طنط
حماتي قالت پغضب .....طنط اما تنططك الولد اټعور
أخويا كبرت في دماغه وشاف إنها بتهين مراته في ليلة عمرها، فقام ورد بصوت عالي: "يا طنط دي تعويره بسيطه ودي مراتي وبتعتزرلك خلاص لمي الدور!"
هنا هاشم جوزي ما استحملش، دمه غلى عشان أمه، واتدخل بزعيق: "جرى إيه يا عريس؟! انت بتعلي صوتك على أمي؟ الولد كان هتنكسر رقابته وأمي عندها حق!"
القاعة اتكهربت، الصوت علي، والأغاني وقفت. أنا وقفت في النص، دموعي نازلة، مش فاهمة الموقف بيكبر إزاي كدة في ثواني! كنت بنتقل بعيني بين أخويا اللي بيحمي مراته، وجوزي اللي بيحمي أمه، وابني اللي حاطط وشه في حضڼي وبيرتعش.
أبويا وأبو العروسة اتدخلوا، أبويا بيحاول يهدي اللعب ويقول: "صلوا على النبي يا جماعة، حصل خير، يلعن الشيطان، ، قسماً بالله ما فيه حاجه مستاهله!"
بس أم العروسة (حماة اخويا) دخلت في الخط، وبصت لحماتي وجوزي وقالت بقرف: "فيه ايه يا حجه انتوا جايين تنكدوا علينا وتخربوا الفرحة؟ ما خلاص بقى!"
الكلمة دي كانت الشرارة اللي ولعت في القش. هاشم جوزي عيونه احمرت، وشرايين ، وبصلي بقلة حيلة وڠضب عارم وقال بصوت هز القاعة: "تمام أوي.. طالما بنتك مش غلطانه وإحنا بتوع نكد وجايين نخرب الفرحة، يبقى يلا بينا هنمشي كلنا دلوقتي ونريحكم !"
أنا مسكت في إيده پصدمه وقولتله: "عشان خاطري يا هاشم.. اهدى يا حبيبي، ده فرح أخويا الوحيد! ده ليلته! نمشي نروح فين ونسيب الفرح؟!"
هاشم بصلي بنظرة عمرها ما فارقتني، نظرة واحد مش شايف قدامه من العصبية ، وبصوت زي الرعد حلف اليمين اللي نزل عليا زي الصاعقة:خلصنا يا ساره عليا الطلاق، لو ما مشيتي معايا حالا وركبتي العربية، لتكوني طالق مني بالثلاثة، وما لكيش قعدة على زمتي ثانية واحدة!"
