جوزي كان كل مانخرج حكايات بسمة

من الذهول، القرف، والصدمة من الحقيقة اللي انكشفت قدامه في لحظة.
أخدت نفس عميق بطيء عشان أسترد توازني، وبصيت للمدير وصوتي خرج ثابت، لكنه مليان بمرارة وحزم
والدته؟! يعني حضرتك بتقول إن سامح أخد كشوفات الحساب البنكي بتاعي أنا، والفواتير اللي بتطلع من مرتبي وشغلي كل شهر، وأرفقها في ملفه الرسمي بالشركة على إنها إيصالات مصاريف وشهادات علاج ملك لوالدته المړيضة... عشان الشركة تصرف له بدل معيشة ورعاية إضافي؟!
الأستاذ مجدي هز رأسه بأسف شديد، وطلع الموبايل ونقر على الشاشة عدة مرات قبل ما يلف الموبايل ناحيتي ويحطه على الطاولة
بالظبط كده يا مدام رانيا... الأستاذ سامح قدم الطلب ده من شهرين للاتش آر، وكتب فيه إنه المعيل الوحيد لوالدته اللي بتعاني من ظروف صحية صعبة، وأرفق كشف الحساب البنكي ده اللي باسم حضرتك، مع صور فواتير مشتريات وتجهيزات منزلية ببالغ كبيرة، عشان يثبت للشركة إن مصاريفه أعلى من راتبه، وبناءً عليه الشركة وافقت على صرف بدل معيشة استثنائي يعادل 50 من مرتبه الأساسي كل شهر!
في اللحظة دي، سامح قام وقف فجأة، الكرسي ارتد لورا وصوته خرج مرتعش ومبوح وهو بيحاول يمسك دراعي ويهمس بصوت طالع بالعافية
رانيا... أرجوكي! اهدي واسكتي دلوقتي! إحنا قدام مديري وفي مطعم عام، الڤضيحة دي هتخرب بيتنا! نتكتم ونروح الشقة وهفهمك كل حاجة بالورق والشيفرات والله العظيم! بلاش تعملي شو قدام الناس!
زقيت إيده بعيد عني بقوة وقسۏة عمره ما شافها مني قبل كده، وقفت وطولي فارض نفسه في نص المطعم، وصړخت فيه بصوت حاد هز الترابيزة وحول نظرات الجرسونات والزبائن اللي قرايب منا ناحيتنا
أتكتّم في الشقة إيه يا حرامي؟! أنت متخيل حجم الچريمة اللي عملتها؟! أنت مش بس كنت بتاخد كارتي وتحاسب بيه قدام الناس وأصحابك وقرايبك عشان تعمل فيها سي السيد والراجل الكريّم اللي شايل البيت وبيصرف على مراته ومديره... أنت طلعت بتستغل حسابي البنكي، بتسرق فواتيري وعرقي، وتزور بيها في ملفات شغلك الرسمية عشان تاخد بدل معيشة تحطه في جيبك الخاص من غير ما أعرف!
سامح حاول يمسك أعصابه ويتصنع القوة، وبصلي بغل وقال بصوت واطي ومسنن
أنا كسبت الفلوس دي عشان بيتنا! الفلوس اللي بتيجي من الشركة بتدخل في البيت وفي الآخر إحنا زوجين وشيء واحد! إيه الدراما والفضايح اللي بتعمليها دي عشان شوية ورق وكارت?!
رديت عليه وأنا بنفض إيدي منه ومن كل لحظة ثقة إديتهالك في يوم من الأيام
بيتنا؟! زوجين وشيء واحد؟! الزوجين هما اللي بيبنوا حياتهم على الصدق والاحترام يا سامح! مش واحد بيستغل مراته كأنها بنك آلي، ينصب باسمها، وياخد فلوسها يشتري بيها منظرة فارغة قدام مديره وزملاؤه، ولما ينزنق يمسح اسمها ويحط مكانها أمه عشان يعرف يسرق الشركة!
في اللحظة