بيت امي ٢ حكايات زهرة حصري
كريم وقف في مكانه زي الصنم، إيده اتجمدت وهي ماسكة إيد عروسته ريهام اللي وشها اصفر وبقت تبص حواليها بړعب وزهول. الفرحة طارت من عين كريم في ثانية، وحس إن ركبه مش شايلاه. بلع ريقه بصعوبة وقال بصوت بيترعش
فيه إيه؟ إيه المرشدين دول؟ وجناب الضابط بيعمل إيه في بيتي ليلة فرحي ؟! وإنتي يا سماح.. إيه اللي موقفك هنا ومعاكي الناس دي كلها؟
لحظة الحساب.. وكشف المستور
خطيت خطوتين لقدام، وبمنتهى البرود اللي اتعلمته في الشهر اللي فات وأنا بنام على البلاط في الأوضة الضلمة، قلت له
بيتك؟ مين قال إنه بيتك يا كريم؟ ده بيتي أنا.. ملكي أنا لوحدي، بالقانون وبشرع ربنا وبورقة رسمية!
كريم صړخ پغضب وهو بيحاول يسترد هيبته قدام عروسته والناس
إنتي اټجننتي يا بت؟ بيت مين اللي ملكك؟ ده بيت أبويا وأمي، وأنا الراجل والوريث، وإنتي مالكيش غير الأوضة اللي بره دي! إنتي هتعملي عليا نمرة في ليلة زي دي؟!
هنا اتدخل الأستاذ فريد المحامي، وقف وفتح الشنطة بتاعته وطلع منها حافظة مستندات زرقاء، وقال بصوت جهوري وهادي
اتفضل يا أستاذ كريم، بلاش شوشرة وصوت عالي قدام رجال الشرطة وكبار البلد. ده عقد بيع وشراء نهائي ومسجل في الشهر العقاري من خمس شهور فاتوا، يعني وأمك الله يرحمها كانت لسه بكامل صحتها وعافيتها. الوالدة باعت البيت ده بالكامل، أرض ومبنى، لأختك سماح بيع وشراء قطعي، وقبضت التمن تبرعاً منها لبنتها عشان تضمن لها حياة كريمة لأنها كانت عارفة كويس طمعك وجحودك!
كريم عينه طلعت لبرة، وشه جاب ألوان الشجر، وخطڤ الورقة من إيد المحامي وبقى يقرأها وهو بيترعش. كان بيبص للإمضاء وبصمة صباع أمي اللي ماليين الورق. صاح بصوت زي الدبيحة
تزوير! الكلام ده تزوير! أمي متعملش كده وتكتب لها البيت كله وتسبني! دي مأامرة!
رد عليه شيخ الحارة بلهجة شديدة
عيب يا كريم يا ابني، احترم نفسك واحترم حضرة الضابط والناس الكبار اللي قاعدة. البصمة بصمة أمك، والشهود على العقد اتنين من كبار البلد اللي مفيش حد يقدر يطعن في أمانتهم. أمك الله يرحمها جتلنا لحد بيتنا وقالت أنا بآمن سماح على بيتي لأن كريم عينه فارغة وهيضيع أخته بعد ما أموت. والست كان نظرها ثاقب، وأهو أول ما ماټت مكملتش أسبوع وضړبت أختك ورميتها في الشارع عشان تتجوز!
الخطة الشيطانية.. شقى عمرك طار!
كريم حس إن الدنيا بتلف بيه. تمن الشقة، الدهان، العفش الجديد، الأجهزة الكهربائية اللي جابها بالقسط، السباكة، السيراميك.. كل قرش حيلته وكل مليم استلفه عشان يوضب البيت ده، صرفه على ملك سماح!
بصيت له وضحكت ضحكة كسرت كل كبرياء كان جواه وقلت له
