ثلاث سنوات كاملين

في حضنه، بس أنا بعدت عنه فوراً شريف! بص في عيني وكلمني.. قولي الحقيقة أنا عندي إيه؟ أنا عندي سړطان صح؟
هز راسه تاني وعينه مليانة دموع يا نادية متوهميش نفسك، الدكتورة قالت شوية لخبطة هرمونات مش أكتر، السن ده بيحصل فيه كدة عادي.. يلا بينا نرجع البيت ترتاحي وأعملك لقمة تتغذي...انتي لازم تتغذي علشان الډم اللي فقدتيه.
كان بيكدب..
عشرة عمر أكتر من عشرين سنة مخلية أي حركة أو نبرة أو رفة عين منه كتاب مفتوح قدامي، إيده كانت بترتعش بشكل مش قادر يسيطر عليه أبداً...بقيت متاكده اكتر انه بيضحك عليا واني في خطړ محتوم
طول الطريق الرجوع لشقتنا في مصر الجديدة، السكوت جوة العربية كان يخنق، كذا مرة يفتح بوقه عشان يتكلم ويرجع يسكت، وأنا كمان مسألتش.. لاني عرفت إنه مش هيقول الحقيقة.
لما وصلنا، نزل ولف عشان يفتحلي باب العربية بكل حنية وزي عادته، وهو بيوطي عشان يسندني، وقعت حاجة من جيب الجاكيت بتاعه على الأرض وعملت صوت.
كانت ورقة مطبقة ، مديت إيدي بسرعة ولمحتها قبل ما يلحق يخبيها، وشه اتخطف وبان عليه الړعب وحاول يشدها مني دي إيه يا شريف؟
قال بسرعه وخوف...ولا حاجه ولا حاجه هاتيها
مردتش عليه فتحت الورقة، وياريتني مت قبل ما افتحها عرفت وقتها سبب خوفه وندمه... كان مكتوب في أولها بخط واضح صدم عيني 
فتحت الورقة، وكان مكتوب في أولها بخط واضح صدم عيني
فاتورة شراء محلات كيدز ستور لأدوات الأطفال
محل براند وغالي جداً لطلبات البيبي.. نزلت بعيني تحت على الأصناف المكتوبة
لبن بودرة رقم 1 مستورد، حفاضات مقاس S، تيتينة سيليكون.
الإجمالي 2000 جنيه.
تاريخ الشراء إمبارح!
في اللحظة دي، حسيت إن قلبي وقع في مياه تلتج.
قَبضت إيدي على الفاتورة وصوابعي تِلتجت إيه الكلام ده يا شريف؟
صوتي كان هادي بطريقة تخوف، وهو وشه بقا أصفر زي الليمونة، وبلع ريقه بصعوبة وقال وهو بيحاول يبتسم ابتسامة مکسورة
أصل.. دي.. دي فاتورة بتاعة أستاذ محمد زميلي في الشغل، مراته لسه والدة ومكنش عارف يشتري إيه، فطلب مني أعدي أجيبهمله وأنا راجع.
محمد؟ أنا عارفاة كويس، ده لسه متخرج جديد والشهر اللي فات استلف من شريف مبلغ عشان يدفع قسط شقته، واحد بظروفه دي هيشتري طلبات لبيبي بألفين جنيه ومن محل براند؟
بصيت في عينه مباشرة، فتهرب ببصره وقال يلا نطلع الشقة الأول، صحتك بالدنيا يا نادية.
حاول يسندني ففضت إيده عني وطلعت لوحدي. أول ما دخلنا البيت، بدأ يتعامل معايا باهتمام مبالغ فيه ومش طبيعي؛ يصبلي مياه، يظبطلي المخدات، ودخل المطبخ يعملي شوربة دافية وهو بيقول ارتاحي خالص ومتحركيش، الدكتورة شددت على الراحة التامة.
وهو أصلاً ميعرفش الدكتورة قالت إيه!
كنت صامتة على الكنبة وقافلة عيني، وفي دماغي ثلاث حاجات بيلفوا زي العقارب
دموعه وخوفه في المستشفى.
فاتورة محل الأطفال.
وڼزيفي المفاجئ.
كلها خيوط بدأت
تتربط في دماغي وتخنقني. شريف كان بيحاول يداري مصېبة كبيرة ورا الستار ده.
سمعت صوت مياه الدش اشتغلت، دخل الحمام.. ودي كانت فرصتي.
قمت بسرعة من على الكنبة ودخلت أوضة النوم، موبايله كان محطوط على الكومودينو بيشحن، قلبي كان بيدق زي الطبلة، الباسورد هو هو تاريخ ميلادي مغيروش من سنين. كتبت الأرقام والشاشة فتحت.
دخلت على ال WhatsApp