الام البديله
غير صوت عياط الطفلة.
بصيت لمصطفى وقولتله بصوت طالع بالعافية الكلام ده صح يا مصطفى؟ أنت كنت تعرفها؟
مصطفى رفع راسه ودموعه مغرقة وشه والله العظيم يا أسماء ما شوفتها ولا أعرفها من عشر سنين! دي كانت جارتنا زمان وحاولت تقرب مني وأنا صديتها ونسيت اسمها أصلاً! مكنتش أعرف إنها هي اللي ورا شركة الوساطة برة مصر.. أنا اتخدعت زيي زيك!
أنا مبقتش سامعة.. أخدت البنت في حضڼي.. البنت اللي ملهاش ذنب في أي حاجة.. حتة لحمة حمراء بټعيط. ضمتها لصدري وأنا ببكي پهستيريا.. الإحساس كان غريب وقاټل.. جوايا صراع بين غريزة الأمومة لبنت شيلتها ورجعت بيها وسميتها نور، وبين نيران الغيرة والكسرة إنها مش من جيناتي، وإن الست التانية دي زرعت قنبلة موقوتة في وسط بيتنا.
مصطفى قرب مني وحضننا إحنا الاتنين وهو بيترعش هنعمل تحليل DNA يا أسماء.. ولو طلع كلامها صح.. أنا مش هسيب البنت دي ليها، ومستحيل هسيبك تضيعي مني.. إحنا هنحاربها بالقانون وبأي طريقة.
لكن الحړب المرة دي مكنتش مع كاريمان.. الحړب الحقيقية كانت جوايا أنا ومصطفى.. إزاي هنبص في وش نور بعد اليوم ده؟ وإزاي هنعيش والسر ده مكتوب وموشوم على ضهرها.. يفكرنا كل يوم إن الفرحة اللي بنستناها، ساعات بتيجي ومعاها سكاكين تدبحنا!
بس انا كمان قررت مستغناش عن البنت حتى لو مكانتش بنتي ...يمكن القدر اراد يعاقبنا لاننا مكناش راضين بالنصيب ...وعشان كده انا هرضى بنصيبي وهربي نور حتى وهيه مش بنتي
