خادمتي الاجنبيه

جبت شغاله اجنبيه تساعدني في البيت ، بس اولادي بقم يموتوا واحد ورا التاني ، والسر كان عند الشغاله اللي جات بعدها 
أنا معلّمة مدرسة ابتدائية، وعندي حوالي 35 سنة. اتجوزت جوزي وكان في نفس سني تقريباً، وعشنا حياة هادية وجميلة، لكن كان في حاجة واحدة ناقصانا ومكدرة علينا صفو حياتنا... تأخر الخلفه
عدّت سنتين كاملين وأنا بروح من دكتور لدكتورة، لحد ما في يوم، الدكتورة بصلت لي بابتسامة وباركت لي مبروك يا أبلة.. أنتِ حامل!.
الدنيا ما كانتش سيعاني من الفرحة، ولما ولدت وجبت ولد زي القمر، جوزي أصرّ إننا نجيب شغالة أجنبية تقيم معانا في الشقة؛ عشان تشيل عني وتساعدني في البيت وتهتم بالبيبي اللي جوزي سمّاه محمد. الشغالة كانت أجنبية ومش مسلمة، بس كانت هادية وشاطرة جداً.
خلصت إجازة الوضع ورجعت مدرستي، وبعد 3 شهور بس من رجوعي لشغليوكان عمر محمد أربع شهورصحيت على فاجعة هدّت حياتي... محمد ماټ!
قلبي اتخلع، والدنيا اسودّت في وشي. الغريبة إن الشغالة دي كانت بتواسيني بحړقة، وتمسح دموعي، ولما أكون في المدرسة تتصل بيا تطمن عليا وعلى صحتي. من كتر حنيتها وخدمتها، عمري ما شكيت فيها ولو لثانية واحدة.
عدّت الأيام بمرارتها، ربنا رزقني بالحمل تاني، وولدت ولد تاني، وسميته برضه محمد تيمناً وتبركاً. رغم إن الأفكار السوداء كانت بتاكل في عقلي وخاېفة أفقده، بس سلمت أمري لله. وبعد ولادته بشهر واحد بس... اتكرر الکابوس، وماټ محمد التاني!
من غير أي أسباب طبية واضحة، والتقرير الطبي كتب إن المۏت قضاء وقدر وشرقة مفاجئة. حزنت حزن لا يعلمه إلا ربنا، واحتسبت صبري عند ربنا، وبرضه الشغالة كانت فوق مستوى الشبهات بذكائها وأدبها المزين.
عدّت شهور وحملت للمرة التالتة، وفجأة لقينا الشغالة بتطلب تسافر بلدها بلا رجعة، وبتحلف إن أمها تعبانة بټموت. طلبت منها تصبر بس لما نجيب شغالة جديدة تدربها على شغل البيت وأكلنا وطبعنا. وفعلاً، جاب جوزي شغالة جديدة، والأولانية قعدت تدربها أسبوع كامل.
قبل سفر الشغالة القديمة بيومين، أخدتها معايا ونزلت بيها العتبة والموسكي اشتريت لها شنط هدايا ولعب لأهلها ولعيالها، وما خليتهاش تدفع مليم واحد من جيبها. الشغالة الجديدة كانت ماشية ورانا وبتبص لي باستغراب شديد وزهول من كتر الهدايا والدلع اللي بعمله مع الشغالة اللي ماشية.
في الليلة اللي كانت الشغالة القديمة بترتب فيها شنطتها استعداداً للسفر الصبح، كنت قاعدة في أوضتي، وفجأة لقيت الشغالة الجديدة داخلة عليا.. اتلفتت يمين وشمال بتوتر واضح، وقفت ورا الباب وقفلته بالمفتاح!
قربت مني وبصوت واطي بيترعش قالت لي
يا أبلة.. في كلام جوايا هيفرقع، ولازم أقوله لك ومش عارفة أبدأ منين.. قولي لي بصراحة، هو أنتِ كان عندك أطفال قبل كده؟
قلبي انقبض فجأة وحسيت بقشعريرة ضړبت في جسمي كله، بلعت ريقي بالعافية وقلت